Florø 2 heldt 2 poeng igjen i Florø laurdag

Kampen mot Eid på laurdag startar veldig bra med ein god første halvdel av første omgang, der vi leier med 5 mål.
Blir 5 mål leiing til pause òg.

I andre omgang gjer vi det litt vel spennande, med endel bomskot, og ikkje godt nok forsvar. Eid er berre eitt mål bak på slutten der, men vi tek time-out, og vinn til slutt med 2 mål.

Ingrid Brændø Osland, som eigentleg er linjespelar, spelar ein veldig god kamp, og set 6 mål frå den vanskelege høgrekanten. Det er veldig mykje bra lagspel, linjene våre skårar 10 mål, og lagar mange straffar i tillegg.

Nesten alle skårar mål, og alle damer og jenter er med og bidreg til siger.

Weronika Kinn Breidvik, trenar for damer Florø 2

Kom og heia fram dei til siger mot Gloppen i kveld kl. 19:15 i Florø idrettssenter!!

(Bilete frå ein tidlegere kamp mot Eid.)