Meld dykk på haustferiens høgdepunkt på Vestlandet:
REMA 1000 HÅNDBALLSKOLEN
Florø SK Handball inviterer til 3 dagar handballskule i haustferien,
veke 41: måndag 5. oktober - onsdag 7. oktober.
NHF Rema 1000 Håndballskole – i haustferien
Florø SK Handball og Norges Håndballforbund inviterer til tre dagar REMA 1000 Håndballskolen i haustferien, 5 .–7. oktober, for inntil 120 deltakarar i alderen 6 til 12 år.
Alle som vil lære å spele handball, eller som vil utvikle handballferdigheitene sine, er velkomne til å melde seg på. Dagane er ei god blanding av leik og læring av teknikk.
I år legg vi opp til meir handballaktivitet enn tidlegare, med ekstra fokus på leik med ball, handballglede og mange ballberøringar for alle deltakarane. Borna vil få utdelt ball, t-skjorte og diplom siste dagen av handballskulen.
Målgruppa:
Målgruppa er både jenter og gutar frå 6 til 12 år, både øvde og uøvde.
Måltid:
Gruppene får servert enkel lunsj med brødmat og pålegg, i tillegg til vatn, saft eller smoothie.
Deltakarane et i grupper. Det blir òg servert frukt i pausane.
Tid, tidspunkt og stad:
Veke 41, måndag 5. oktober til og med onsdag 7. oktober, frå kl. 09:00 til 14:00 kvar dag på Florø idrettssenter.
Påmelding til Rema 1000 handballskule
Påmeldingsavgift: Kr 750.- pr barn
Betalast til kontornr: 3775 20 15946 når du melder på barnet.
Påmeldingsfrist: måndag 21. september kl. 21:00
Instruktørar, leiarar og andre vaksne:
Instruktørane er mellom 14 og 20 år gamle og har aktivitetsleiaropplæring. I tillegg deltek vaksne leiarar med trenarutdanning og andre vaksne i støttefunksjonar og administrasjon.
Tilpassa aktivitet:
Vi vil ha ulike aktivitetar som for dei yngste vil innehalde balleik, sosial aktivitet, skytetrening, handballspel m.m. Dei eldste får eit meir spissa opplegg mot handball med fokus på teknikk, fart, skot og handballspel.
Av omsyn til alle si trivsel: Deltakarar som ikkje rettar seg etter instruktørane sine beskjedar etter åtvaring, blir sende heim etter samtale med føresette.
Barn som treng individuell tilrettelegging i form av personleg assistent, må ha med følgje. Dette blir ikkje handtert av arrangøren.
Tilrettelegging:
Vi skal tilretteleggje, men barn som normalt har ledsagar, må ha med denne eller ein annan vaksen som kjenner barnet godt. Barna må stort sett kunne klare seg sjølve, sidan vi ikkje har eit apparat til å handtere dei som vil trenge mykje hjelp. Er du i tvil, ta kontakt før påmelding.
Fotografering:
Vi fotograferer aktivitetane på handballskolen, og bileta blir brukt i samband med rekruttering og informasjonsinnlegg på klubbens nettside og offisielle sider på sosiale medium (SoMe). NHF og REMA 1000 vil òg kunne nytte bilete i sitt info-/reklamemateriell. (Sjå òg eiga rubrikk i samband med påmelding).
Gratis handballskule – for barn i familie med økonomiske utfordringar
Denne handballskulen er eit tiltak i tråd med visjonen vår: «Handball for alle i Florø/Kinn kommune», og er gratis for barn i familie med økonomiske utfordringar.
Dette er mogleg takka vere støtte frå Gjensidigestiftelsen og Sparebankstiftelsen i Sogn og Fjordane
Påmelding må gjerast via e-post til Line Gjengseth: line.gjengseth@florohandball.no
Spørsmål?
Send e-post til: info@florohandball.no eller ring:
- Helene Tresnes Vårvik: 992 56 717
- Line Gjengseth: 997 33 327
Vi ber om at alle melder seg på før oppstart, då dette vil lette registreringa.
Dei som har lyst til å halde fram med handball etter handballskulen, er hjarteleg velkomne! Sjå nettsida for treningstider og kontaktpersonar under dei ulike årskulla.
Vi skal bli bedre og det gir vi oss ikke på «6900 Florø».
